“Ya anae mato y jaanen y Pentecostes, estaba todos na mandadaña gui un sagayan. Ya enseguidas mato y boruca
guinen y langet, taegüije y güinaefen y dangculo na manglo, ya ninabula todo y guima anae manmatatachong
sija. Ya ayo nae manmato gui jiloñija dinga na jula sija, taegüije y guafe, ya sumaga gui jilo cada uno guiya sija. Ya
sija todo manbula ni y Espiritu Santo, yan jatutujon sumangan y otro na finijo, taegüijija y Espiritu numae sija
na ujasangan.
Ya mañasaga güije guiya Jerusalem, Judio sija, na mandeboto na taotao, guinen todo y nasion ni y mangaegue gui
papa y langet. Ya anae majungog esta na boruca, mandaña y linajyan taotao, ya sija manyinalaca, sa cada
taotao jajungog sija na manguecuentos ni y finoñijaja. Ya sija todos ninafanlujan, yan ninafanmanman, ilegñija y
uno ni y otro: Ada ti todo Galileo estesija y manguecuentos? Ya jafa muna tajujungog cada taotao ni y
finotaja gui anae manmafañagojit? Partos, yan Medos, yan Elamitas, yan sija y mañasaga guiya Mesopotamia,
yan Judea, yan Capadosia, yan Ponto, yan Asia, Yan Phrygia, yan Pamfilia, yan Egipto, yan iya Libia
ni y gaegue gui otro bandan Sirene, yan y manaotao juyong guiya Roma, Judio sija yan proselitos, Cretensija,
yan Arabsija: tajujungog sija manguecuentos ni y finota, y namanman na checho Yuus sija.”
Y Checho Sija 2:1-11 (Josephine Chargualaf Varley, Narrator, Y Checho Sija 2).
|
Fire Whirl, Eastern Virginia Rivers National Wildlife Refuge Complex, February 19, 2002
Commonwealth of Virginia, USA
Photo Credit (Full size): Gary Kemp, Northeast Image Library Still Image, United States Fish and Wildlife Service Digital Library System (http://images.fws.gov), United States Fish and Wildlife Service (FWS, http://www.fws.gov), United States Department of the Interior (http://www.doi.gov), Government of the United States of America (USA).
The Manguaguan na Palabran Si Yuus Archive
The Great Earthquake and Catastrophic Tsunami of 2004
The Spectacular Clouds of the Transonic Flight Regime
The Chamorro Bible In Print